Origod Fram AS søkjer ein engasjert, trygg og relasjonssterk medarbeidar til ei 100 % prosjektstilling med varigheit på to år. Stillinga er knytt til FRAM-prosjektet; vårt målretta arbeid mot ungt utanforskap, der hovudfokuset er å styrkje ungdom si oppleving av meistring, tilhøyrsle og framtidstru.

Som prosjektmedarbeidar vil relasjonsarbeid vere sjølve kjernen i stillinga. Du vil arbeide tett på ungdom i kvardagen, møte dei der dei er, og byggje tillit gjennom stabile og trygge relasjonar over tid. Gjennom individuell oppfølging, deltaking i aktivitetar og tilstadeverande vaksenstøtte, vil du bidra til å skape positive endringsprosessar i ungdomane sine liv.

Stillinga har arbeidsstad i Florø, med aktivitetar der ungdomane er og har sine møteplassar.

Søknadsfrist 10. mars 2026