Søskenparet Lise og Bjørn Egil Bortheim køyrer i fast rute mellom Florø og Førde, med dørmatter, moppar og arbeidstøy for Nor Tekstil. Det siste dei gjer før dei går heim om ettermiddagen er å laste opp bilen med reine matter og moppar hos Nor Tekstil, slik at bilen står ferdig pakka hos Origod neste morgon.

Det er mange tunge løft i jobben, med til dømes matter og våte moppar. Då er det godt å vere to i lag, og dessutan skiftar vi på å køyre. Det er ein ­fordel at det er fleire som kan ruta, for det er ikkje berre lett å finne fram til rett adresse og rett gang, når ein er ny i jobben. Denne jobben må gjerast ­anten det er påske- eller sommarferie, eller om nokon er sjuke.

Bjørn Egil har jobba i Origod sidan 2002, og fortel at han har funne sin rette plass. Eg likar å jobbe ­fysisk – og teori har aldri vore mi sterke side. Søstera Lise kom flyttande til Florø for nokre år sidan og har jobba her i fire år. Eg er kjempefornøgd med både jobben og sjåførkollegaen, smiler ho. Dei presiserer at det aldri er søskenkrangel i bilen.

Begge er einige om at det er eit veldig godt arbeidsmiljø hos Origod. Dessutan set eg pris på å vite kva eg skal gjere kvar dag, legg Bjørn Egil til. Vi styrer på mange måtar vår eigen arbeidsdag, men vi har faste ting på programmet kvar dag.